Ka'ach kuxa'an in noole' ku tsikbaltike' tu tankelmile' taak káach u kanik pay wakax ka tu ya'alaj ti juntúul jmeene' bix unaj u meentik ka kaambalnak. Le jmeeno' tu ya'alaj ti'e' wa tumen jach taak a kanik le jpay wakaxo' jéel u káansale' chen ba'ale' yan u bin tanchumuk áak'ab yok'ol jun p'éel u muul saay. Ti' ken u yilej jmeeno' ka' kajak u káansa'al. Le ka'aj k'uch te tu'ux a'ala'an ti'o' ka tu yilaje' tia'an lej meeno' ka'aj a'ala' ti'e' payeni' ka'aj kaj u payik chen ba'ale' ka'a tu yilaje' lej jmeeno' ts'o'ok u suut juntúul nuxi' kisin wakax ka'aj jóok' u yalkab u tia'al u púuts'ul ka'aj jaja'che'ejta'ab tumen lej jmeeno' ka'aj a'ala' ti'e' ma' paatalech u tia'al jpay wakaxi'. Tu lak' k'iine' leili' bey úuchiko' ka'a tu ya'alaj in noole' ko'ox b'atik beyo' ma'atan in beytaj. Bey tuuno' ka'a tu xump'ajtaj le kaambal jpaywakaxilo', ma'a tu kani'.
Le chan tsikbala' uch tu kajtalij Xkrusche' ti noj kaajil Cantamayec; ti u petenil Yucatán.
No hay comentarios.:
Publicar un comentario